3.5 C
New York
Wednesday, February 21, 2024

Rare shubh yog on ganesh chaturthi, these 10 days are good for shopping, auspicious work mhpj


मुंबई 31 ऑगस्ट : बुधवारी म्हणजेच 31 ऑगस्ट रोजी गणेश चतुर्थीचा सण साजरा होणार आहे. हा दिवस भाद्रपद शुक्ल चतुर्थी तिथी आहे. यावेळी गणेश चतुर्थीच्या दिवशी श्रीगणेशाच्या जन्मासारखा दुर्मिळ योग तयार होत आहे. वास्तविक यंदा गणेश चतुर्थी बुधवारी असून गणेशाचा जन्म झाला तेव्हाही बुधवार होता. गणेशाच्या जन्माच्या वेळी बुध देव कैलासावरच उपस्थित होते. त्यामुळे दर बुधवारी गणेशाची पूजाही केली जाते.

गणेश चतुर्थीच्या दिवशी बुधवारसोबतच रवियोगही आहे

गणेश चतुर्थीच्या दिवशी बुधवारचा योगायोग असून, या दिवशी रवियोगही तयार होत आहे. या दोन विशेष योगांमुळे गणेश चतुर्थीचे महत्त्व आणखी वाढले आहे. धार्मिक मान्यतेनुसार रवियोगात गणेशाची पूजा केल्याने सर्व संकटांचा नाश होतो आणि कामात यश मिळते. रवियोग सर्व अशुभ योगांचा नाश करतो. असो, गणेशजी स्वतः शुभ आहेत, ते जिथे असतील तिथे अशुभ असू शकत नाही.

Atharvshirsh Pathan : गणेशोत्सवात दररोज करा गणपती अथर्वशीर्षाचे पठण, मात्र ‘या’ नियमांचं करा पालन

गणपती उत्सवादरम्यान 10 दिवस आहेत शुभ योग

झी न्यूज हिंदीने दिलेल्या माहितीनुसार, गणेश चतुर्थीनंतर गणेशोत्सवाच्या उरलेल्या दिवसांत अनेक शुभ योग तयार होत आहेत. म्हणजेच 31 ऑगस्टपासून 9 सप्टेंबरपर्यंत या 10 दिवसांमध्ये खरेदी आणि नवीन काम सुरू करण्यासाठी अनेक शुभ मुहूर्त आहेत. त्याचवेळी 300 वर्षांनंतर एक दुर्मिळ योगायोग घडत आहे. वास्तविक गणेशोत्सवात नवमी तिथी कमी होत आहे. असे असले तरी गणेशोत्सव पूर्ण 10 दिवस चालणार आहे.

Gauri Ganpati Muhurt 2022 : गणपती प्रतिष्ठापना, ज्येष्ठा गौरी आवाहन आणि विसर्जन, ‘हे’ आहेत अचूक शुभ मुहूर्त

तसेच या काळात सूर्य, बुध, गुरू आणि शनि हे महत्त्वाचे ग्रह आपापल्या राशीत राहतील. असा योगायोग गेल्या 300 वर्षांत घडला नाही. या योगायोगामध्ये नवीन घर खरेदी करणे, बुकिंग करणे, दागिने-कार यांसारख्या मौल्यवान वस्तूंची खरेदी किंवा बुकिंग करणे खूप शुभ राहील. त्याचबरोबर गणेश चतुर्थी हा अनेक ठिकाणी अबुजा मुहूर्त मानला जातो, अशा स्थितीत गणेश चतुर्थीचा संपूर्ण दिवस खरेदी, गुंतवणूक, नवीन काम सुरू करण्यासाठी अतिशय शुभ राहील.

मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.



Source link

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,912FollowersFollow
0SubscribersSubscribe
- Advertisement -spot_img

Today News

Popular News